லங்கா பிரீமியர் லீக் (எல்.பி.எல்.) ரி-20 தொடரின், 17ஆவது லீக் போட்டியில் கொழும்பு ஸ்டார்ஸ் அணிக்கு ஜப்னா கிங்ஸ் அணி, ஓட்டங்களை வெற்றி இலக்காக நிர்ணயித்துள்ளது.
கொழும்பு ஆர்.பிரேமதாஸ மைதானத்தில் நடைபெற்று வரும் இப்போட்டியில், நாணய சுழற்சியில் வெற்றிபெற்ற ஜப்னா கிங்ஸ் அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய ஜப்னா கிங்ஸ் அணி, நிர்ணயிக்கப்பட்ட 20 ஓவர்கள் நிறைவில், 5 விக்கெட்டுகள் இழப்புக்கு 193 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, டொம் கோஹ்லர்-காட்மோர் 93 ஓட்டங்களையும் உபுல் தரங்க 37 ஓட்டங்களையும் பெற்றுக்கொண்டனர்.
கொழும்பு ஸ்டார்ஸ் அணியின் பந்துவீச்சில், நவீன் உல் ஹக் 3 விக்கெட்டுகளையும் துஸ்மந்த சமீர மற்றும் ஜெப்ரி வெண்டர்சே ஆகியோர் தலா 1 விக்கெட்டினையும் வீழ்த்தினர்.
தற்போது 194 ஓட்டங்கள் என்ற வெற்றி இலக்கை நோக்கி, கொழும்பு ஸ்டார்ஸ் அணி களமிறங்கவுள்ளது.
