இந்தியக் கிரிக்கெட் அணிக்கெதிரான ரி-20 தொடரில் விளையாடும், எதிர்பார்ப்பு மிக்க இலங்கை அணி விபரத்தை இலங்கை கிரிக்கெட் அணி தெரிவுக் குழு அறிவித்துள்ளது.
தசுன் சானக தலைமையிலான 18 பேர் கொண்ட இந்த அணியில், அதிரடி துடுப்பாட்ட வீரரான பானுக ராஜபக்ஷ இடம்பெறவில்லை.
இந்த அணியில், தசுன் சானக, பெத்தும் நிஸங்க, குசல் மெண்டிஸ், சரித் அசலங்க, தினேஷ் சந்திமால், தனுஷ்க குணதிலக்க, கமில் மிஸ்ரா, ஜனித் லியனகே, வனிந்து ஹசரங்க, சமிக்க கருணாரத்ன, துஷ்மந்த சமீர, லஹிரு குமார, பினுர பெனார்டோ, ஷிரான் பெனார்டோ, மகேஷ் தீக்ஷன, ஜெப்ரி வெண்டர்ஷே, பிரவீன் ஜெயவிக்ரம, அஷியன் டேனியல் ஆகியோர் இடம்பெற்றுள்ளனர்.
உபாதைக்குள்ளாகியுள்ள அவிஷ்க பெனார்டோ, நுவான் துசார மற்றும் ரமேஷ் மெண்டிஸ் ஆகியோர் இத்தொடருக்கு முன்னதாக குணமடையும் பட்சத்தில் இவர்களும் அணியுடன் இணைவார்கள்.
இந்தியாவுக்கு கிரிக்கெட் சுற்றுப்பயணம் மேற்கொண்டுள்ள இலங்கை கிரிக்கெட் அணி, இரண்டு டெஸ்ட் போட்டிகள் மற்றும் மூன்று ரி-20 போட்டிகளில் விளையாடவுள்ளது.
இதில் முதலாவதாக நடைபெறும் மூன்று போட்டிகள் கொண்ட ரி-20 தொடரின் முதல் போட்டி, எதிர்வரும் 24ஆம் திகதி லக்னோவ் மைதானத்தில் நடைபெறவுள்ளது.
