பங்களாதேஷ் அணிக்கெதிரான மூன்றாவது இறுதியுமான ஒருநாள் போட்டியில், ஆப்கானிஸ்தான் அணி 7 விக்கெட்டுகளால் ஆறுதல் வெற்றிபெற்றுள்ளது.
மூன்று போட்டிகள் கொண்ட ஒருநாள் தொடரை 2-1 என்ற கணக்கில் பங்களாதேஷ் அணி கைப்பற்றினாலும், இறுதிப் போட்டியின் வெற்றி பங்களாதேஷ் அணிக்கு ஆறுதல் அளித்துள்ளது.
சாட்டோகிராம் மைதானத்தில் நேற்று (திங்கட்கிழமை) நடைபெற்ற இப்போட்டியில், நாணய சுழற்சியில் வெற்றிபெற்ற பங்களாதேஷ் அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாட களமிறங்கிய பங்களாதேஷ் அணி, 46.5 ஓவர்கள் நிறைவில் அனைத்து விக்கெட்டுகளையும் இழந்து 192 ஓட்டங்களுக்கு சுருண்டது.
இதன்போது அணியின் அதிகப்பட்ச ஓட்டங்களாக, லிடொன் தாஸ் 86 ஓட்டங்களையும் சகில் அல் ஹசன் 30 ஓட்டங்களையும் பெற்றுக்கொண்டனர்.
ஆப்கானிஸ்தான் அணியின் பந்துவீச்சில், ராஷித்கான் 3 விக்கெட்டுகளையும் மொஹமட் நபி 2 விக்கெட்டுகளையும் ஃபசல்ஹக் பாரூக்கி மற்றும் அஸ்மத்துல்லா உமர்சாய் ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 193 என்ற வெற்றி இலக்கை நோக்கி பதிலுக்கு களமிறங்கிய ஆப்கானிஸ்தான் அணி, 40.1 ஓவர்கள் நிறைவில் 3 விக்கெட்டுகள் இழப்புக்கு ஆப்கானிஸ்தான் அணி வெற்றி இலக்கை கடந்தது. இதனால் அந்த அணி 7 விக்கெட்டுகளால் வெற்றிபெற்றது.
இதில் அணியின் அதிகப்பட்ச ஓட்டங்களாக, ரஹமனுல்லா குர்பாஸ் ஆட்டமிழக்காது 106 ஓட்டங்களையும் ரஹமத் ஷா 35 ஓட்டங்களையும் பெற்றுக்கொண்டனர்.
பங்களாதேஷ் அணியின் பந்துவீச்சில், மெயிடி ஹசன் 2 விக்கெட்டுகளையும் சகில் அல் ஹசன் 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக ரஹமனுல்லா குர்பாஸ் தெரிவுசெய்யப்பட்டதோடு, தொடரின் நாயகனாக லிடொன் தாஸ் தெரிவுசெய்யப்பட்டார்.
