பங்களாதேஷ் கிரிக்கெட் அணிக்கெதிரான முதலாவது ஒருநாள் போட்டியில், சிம்பாப்வே அணி 5 விக்கெட்டுகளால் சிறப்பான வெற்றியை பதிவுசெய்துள்ளது.
இந்த வெற்றியின் மூலம் மூன்று போட்டிகள் கொண்ட ஒருநாள் தொடரில், 1-0 என்ற கணக்கில் முன்னிலைப் பெற்றுள்ளது.
ஹராரே மைதானத்தில் நேற்று (வெள்ளிக்கிழமை) நடைபெற்ற இப்போட்டியில், நாணய சுழற்சியில் வெற்றிபெற்ற சிம்பாப்வே அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய பங்களாதேஷ் அணி, நிர்ணயிக்கப்பட்ட 50 ஓவர்கள் நிறைவில் 2 விக்கெட்டுகள் இழப்புக்கு 303 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, லிடொன் தாஸ் 81 ஓட்டங்களையும் டமீம் இக்பால் 62 ஓட்டங்களையும் முஷ்பிகுர் ரஹீம் ஆட்டமிழக்காது 52 ஓட்டங்களையும் பெற்றுக்கொண்டனர்.
சிம்பாப்வே அணியின் பந்துவீச்சில், நியுச்சி மற்றும் ரஸா ஆகியோர் தலா 1 விக்கெட்டினை வீழ்த்தினர்.
இதனைத்தொடர்ந்து 304 என்ற வெற்றி இலக்கை நோக்கி பதிலுக்கு களமிறங்கிய சிம்பாப்வே அணி, 48.2 ஓவர்கள் நிறைவில் 5 விக்கெட்டுகள் இழப்புக்கு வெற்றி இலக்கை கடந்தது.
இதனால், சிம்பாப்வே அணி 5 விக்கெட்டுகளால் சிறப்பான வெற்றியை பெற்றது.
இதன்போது அணியின் அதிகபட்ச ஓட்டங்களாக, சிகண்டர் ராஸா ஆட்டமிழக்காது 135 ஓட்டங்களையும் இன்னசன்ட் கையா 110 ஓட்டங்களையும் பெற்றுக்கொண்டனர்.
பங்களாதேஷ் கிரிக்கெட் அணியின் பந்துவீச்சில், முஷ்டபிசுர் ரஹ்மான், சொரிபுல் இஸ்லாம், மெயிடி ஹசன் மற்றும் மொசெடக் ஹொசைன் ஆகியோர் தலா 1 விக்கெட்டினையும் வீழ்த்தினர்.
இப்போட்டியின் ஆட்டநாயகனாக, 109 பந்துகளில் 6 சிக்ஸர்கள் 8 பவுண்ரிகள் அடங்களாக ஆட்டமிழக்காது 135 ஓட்டங்களை பெற்றுக்கொண்ட சிகண்டர் ராஸா தெரிவுசெய்யப்பட்டார்.
