கட்டார் ஃபிஃபா கால்பந்து உலகக்கிண்ணத் தொடரின், குழுநிலைப் போட்டியில் பிரேஸில் அணி வெற்றிபெற்றுள்ளது.
குழு ஜி பிரிவில் இலங்கை நேரப்படி இன்று (வெள்ளிக்கிழமை) நடைபெற்ற இப்போட்டியில், பிரேஸில் அணியும் செர்பியா அணியும் மோதின.
லுசைல் விளையாட்டரங்கில் நடைபெற்ற இப்போட்டியில், பிரேஸில் அணி 2-0 என்ற கோல்கள் கணக்கில் வெற்றிபெற்றது.
இதில் பிரேஸில் அணி சார்பில், ரிச்சர்லிஸன் 62ஆவது மற்றும் 73ஆவது நிமிடங்களில் அணிக்காக இரண்டு கோல்களை அடித்துக் கொடுத்தார்.
இந்த வெற்றியின் மூலம் பிரேஸில் அணி, 3 புள்ளிகளுடன் குழு ஜி பிரிவில் முதலிடத்தில் உள்ளது.
கடந்த 1934ஆம் ஆண்டு முதல் பிரேஸில் அணி, உலகக்கிண்ணத் தொடரில் தனது முதல் போட்டியில் வெற்றிபெற்று வருகின்றமை குறிப்பிடத்தக்கது.
