இந்திய கடற்படை தளபதி அட்மிரல் ஹரிகுமார் இன்று(செவ்வாய்கிழமை) இலங்கைக்கு விஜயம் செய்யவுள்ளார்.
இன்று இலங்கைக்கு வருகை தரும் அவர் நான்கு நாட்கள் இலங்கையில் தங்கியிருப்பார் என தெரிவிக்கப்படுகின்றது.
இலங்கையில் சீனா தனது செல்வாக்கை அதிகரிப்பதற்காக மேற்கொண்டுள்ள முயற்சிகள் குறித்து இந்தியா கரிசனை கொண்டுள்ள நிலையில் இருநாடுகளிற்கு இடையிலான கடல்சார் ஒத்துழைப்பை மேலும் வலுப்படுத்தும் நோக்கில் இந்த விஜயம் இடம்பெறுகின்றது.
இலங்கை துறைமுகத்தில் சீனா கப்பல் தரித்து நின்றமை காரணமாக இராஜதந்திர நெருக்கடி உருவாகி நான்கு மாதங்களின் பின்னர் இந்த விஜயம் இடம்பெறுகின்றது.
