இந்தியக் கிரிக்கெட் அணிக்கெதிரான ரி-20 தொடரில் விளையாடும் எதிர்பார்ப்பு மிக்க நியூஸிலாந்து அணி விபரம் அறிவிக்கப்பட்டுள்ளது.
மிட்செல் சான்ட்னர்வழிநடத்தும் இந்த 15பேர் கொண்ட அணியில், இடது கை சுழற்பந்துவீச்சாளர் பென் லிஸ்டர் கிரிக்கெட் அறிமுகத்தை பெறுகிறார்.
அதேபோல, பாகிஸ்தானுக்கு எதிரான ஒருநாள் போட்டியில் அறிமுகமான சகலதுறை வீரர் ஹென்றி ஷிப்லியும் அறிமுகம் பெறுகிறார்.
மிட்செல் சான்ட்னர் தலைமையிலான அணியில், ஃபின் ஆலன், மைக்கேல் பிரேஸ்வெல், மார்க் சாப்மேன், டேன் கிளீவர், டெவோன் கான்வே, ஜேக்கப் டஃபி, லொக்கி பெர்குசன், பென் லிஸ்டர், டேரில் மிட்செல், க்ளென் பிலிப்ஸ், மைக்கேல் ரிப்பிள், ஹென்ரி ஷிப்லி, இஷ் சோதி, பிளேர் டிக்னர் ஆகியோர் இடம்பெற்றுள்ளனர்.
இந்தியாவுக்கு கிரிக்கெட் சுற்றுப்பயணம் மேற்கொள்ளும் நியூஸிலாந்து அணி, மூன்று போட்டிகள் கொண்ட ஒருநாள் மற்றும் ரி-20 தொடரில் விளையாடவுள்ளது. இதில் முதலாவதாக நடைபெறும் ஒருநாள் தொடரின் முதல் போட்டி ஜனவரி 18ஆம் திகதி ஹைதராபாத்தில் நடைபெறவுள்ளது.
ஒருநாள் போட்டித் தொடரையடுத்து நடைபெறும் ரி-20 தொடரின் முதல் போட்டி, ஜனவரி 27ஆம் திகதி ராஞ்சியில் நடைபெறவுள்ளது.
