அவுஸ்ரேலிய பகிரங்க டென்னிஸ்: டெனிஸ் ஷபோவலோவ்- விக்டோரியா அஸரன்கா முதல் சுற்றில் வெற்றி!

ஆண்டின் முதலாவது கிராண்ட்ஸ்லாம் அந்தஸ்து பெற்ற அவுஸ்ரேலிய பகிரங்க டென்னிஸ் தொடரின் முதல் சுற்றுப் போட்டிகள் தற்போது நடைபெற்று வருகின்றன.

இதன்படி தற்போது நடைபெற்று வரும் ஆண்கள் மற்றும் பெண்கள் ஒற்றையர் பிரிவு போட்டிகள் சிலவற்றின் முடிவுகளை பார்க்கலாம்,

ஆண்களுக்கான ஒற்றையர் பிரிவு முதல் சுற்றுப் போட்டியில், கனடாவின் டெனிஸ் ஷபோவலோவ்வும் செர்பியாவின் டுசான் லாஜோவிக்கும் மோதினர்.

இப்போட்டியில், டெனிஸ் ஷபோவலோவ், 6-4, 4-6, 6-4, 6-1 என்ற செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.

ஆண்களுக்கான ஒற்றையர் பிரிவு முதல் சுற்றுப் போட்டியில், அமெரிக்காவின் பிரான்சிஸ் டியாஃபோ, ஜேர்மனியின் டேனியல் அல்ட்மேயரை எதிர்கொண்டார்.

இப்போட்டியில், பிரான்சிஸ் டியாஃபோ, 6-3, 6-3, 6-7, 7-6 என்ற செட் கணக்குகளில் வெற்றிபெற்று இரண்டாவது சுற்றுக்கு தகுதிபெற்றார்.

பெண்களுக்கான ஒற்றையர் பிரிவு முதல் சுற்றுப் போட்டியில், லத்வியாவின் ஜெசினா ஓஸ்டாபென்கோவும் உக்ரைனின் தயானா யாஸ்ட்ரெம்ஸ்காவும் போட்டியிட்டனர்.

இப்போட்டியில், ஜெசினா ஓஸ்டாபென்கோ, 6-4, 6-2 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.

பெண்களுக்கான ஒற்றையர் பிரிவு முதல் சுற்றுப் போட்டியில், அமெரிக்காவின் சோபியா கெனின்னும், பெலராஸின் விக்டோரியா அஸரன்காவும் பலப்பரீட்சை நடத்தினர்.

இப்போட்டியில், விக்டோரியா அஸரன்கா, 6-4, 7-6 என்ற செட் கணக்குகளில் வெற்றிபெற்று இரண்டாவது சுற்றுக்குள் அடியெடுத்து வைத்தார்.