ஆண்டின் முதல் கிராண்ட்ஸ்லாம் அந்தஸ்து பெற்ற அவுஸ்ரேலிய பகிரங்க டென்னிஸ் தொடரின் மூன்றாவது சுற்றுப் போட்டிகளில், கிரேக்கத்தின் ஸ்டெபீனோஸ் சிட்ஸிபாஸ் மற்றும் அமெரிக்காவின் கோகோ கோஃப் ஆகியோர் வெற்றிபெற்று நான்காவது சுற்றுக்கு முன்னேறியுள்ளனர்.
ஆண்களுக்கான ஒற்றையர் பிரிவு மூன்றாவது சுற்றுப் போட்டியில், கிரேக்கத்தின் ஸ்டெபீனோஸ் சிட்ஸிபாஸ், நெதர்லாந்தின் டாலன் கிரீக்ஸ்பூரை எதிர்கொண்டார்.
இப்போட்டியில், கிரேக்கத்தின் ஸ்டெபீனோஸ் சிட்ஸிபாஸ், 6-2, 7-6, 6-3 என்ற நேர் செட் கணக்குகளில் வெற்றிபெற்று நான்காவது சுற்றுக்கு முன்னேறினார்.
பெண்களுக்கான ஒற்றையர் பிரிவு மூன்றாவது சுற்றுப் போட்டியில், அமெரிக்காவின் கோகோ கோஃப், சகநாட்டு வீராங்கனையான பெர்னார்டா பேராவுடன் மோதினார்.
இப்போட்டியில், அமெரிக்காவின் கோகோ கோஃப், 6-2, 6-3 என்ற நேர் செட் கணக்குகளில் இலகுவாக வெற்றிபெற்று நான்காவது சுற்றுக்கு தகுதிபெற்றார்.
