2022ஆம் ஆண்டுக்கான சிறந்த ரி-20 கிரிக்கெட் வீரருக்கான சர்வதேச கிரிக்கெட் சபையின் (ஐ.சி.சி.) விருதை இந்தியக் கிரிக்கெட் அணியின் மத்தியதர வரிசை வீரரான சூர்யகுமார் யாதவ் வென்றுள்ளார்.
கடந்த 2022ஆம் ஆண்டு 31 ரி-20 போட்டிகளில் விளையாடியுள்ள சூர்யகுமார் யாதவ், 2 சதங்கள் மற்றும் 9 அரை சதங்கள் அடங்களாக 1164 ஓட்டங்களை பெற்றுள்ளார்.
68 சிக்சர்கள், 46.56 சராசரி மற்றும் 187.46 ஸ்ட்ரைக் ரேட்டில் இந்த ஓட்டங்களை குவித்த அவர், ஒரு ஆண்டில் ரி-20 சர்வதேச போட்டிகளில் 1000 ஓட்டங்களுக்கு மேல் எடுத்த இந்திய துடுப்பாட்ட வீரரொருவர் என்ற பெருமையையும் தன்வசப்படுத்தியுள்ளார்.
இதுவரை 45 ரி-20 போட்டிகளில் விளையாடியுள்ள சூர்யகுமார் யாதவ், 3 சதங்களும் 13 அரை சதங்களும் அடங்களாக 1578 ஓட்டங்களை குவித்துள்ளார் என்பது குறிப்பிடத்தக்கது.
