திரிபுராவின் புதிய முதலமைச்சராக, மாணிக் சாஹா தேர்வு செய்யப்பட்டுள்ளார்.
அகர்தலாவில் நேற்று (திங்கட்கிழமை) நடைபெற்ற பாஜக சட்டமன்ற உறுப்பினர்கள் கூட்டத்தில் மாணிக் சாஹாவை பா.ஜ.க. சட்டமன்ற உறுப்பினர்கள் ஒருமனதாக தேர்வு செய்தனர்.
இந்த நிலையில், திரிபுரா முதலமைச்சராக 2ஆவது முறையாக நாளை மாணிக் சாஹா பதவியேற்கவுள்ளார்.
இந்த விழாவில் பிரதமர் மோடி, உள்துறை அமைச்சர் அமித் ஷா, பாஜக ஆளும் மாநில முதலமைச்சர்கள் கலந்து கொள்ளலாம் என எதிர்பார்க்கப்படுகிறது.
முதலமைச்சராக இருந்த விப்லப் குமார் கடந்தாண்டு ராஜினாமா செய்ததையடுத்து, மாணிக் சாஹா அப்பதவிக்கு தேர்வு செய்யப்பட்டுள்ளார் என்பது குறிப்பிடத்தக்கது.
