நியூஸிலாந்துக் கிரிக்கெட் அணிக்கெதிரான மூன்றாவதும் இறுதியுமான ரி-20 போட்டியில், இலங்கை கிரிக்கெட் அணி தோல்வியடைந்துள்ளது.
இந்த தோல்வியின் மூலம் 1-2 என்ற கணக்கில் இலங்கை அணி, நியூஸிலாந்து அணியிடம் தொரை இழந்தது.
குயிண்ஸ்டவுண் மைதானத்தில் இன்று (சனிக்கிழமை) நடைபெற்ற இப்போட்டியில், நாணய சுழற்சியில் வெற்றிபெற்ற நியூஸிலாந்து அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய இலங்கை கிரிக்கெட் அணி, நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகள் இழப்புக்கு 182 ஓட்டங்களை பெற்றுக்கொண்டது.
இதனைத்தொடர்ந்து 183 என்ற வெற்றி இலக்கை நோக்கி பதிலுக்கு களமிறங்கிய நியூஸிலாந்து அணி, 19.5 ஓவர்கள் நிறைவில் 3 விக்கெட்டுகள் இழப்புக்கு வெற்றி இலக்கை கடந்தது. இதனால், நியூஸிலாந்து அணி 4 விக்கெட்டுகள் வித்தியாசத்தில் வெற்றிபெற்றது.
மூன்று வகை கிரிக்கெட் தொடர்களிலும் விளையாடுவதற்காக நியூஸிலாந்துக்கு கிரிக்கெட் சுற்றுப்பயணம் மேற்கொண்ட இலங்கை கிரிக்கெட் அணி, டெஸ்ட் தொடரை 0-3 எனவும், ஒருநாள் தொடரை 0-2 எனவும் ரி-20 தொடரை 1-2 எனவும் இழந்தது.
