அயர்லாந்து அணிக்கு எதிரான முதலாவது டெஸ்ட் போட்டியில் இலங்கை அணி இன்னிங்ஸ் மற்றும் 280 ஓட்டங்களினால் வெற்றிபெற்றுள்ளது.
இந்த போட்டியின் முதல் இன்னிங்ஸிற்காக துடுப்பாடிய இலங்கை அணி, 6 விக்கெட்டுகளை இழந்து 591 ஓட்டங்களை பெற்றிருந்த நிலையில் இன்னிங்ஸை முடிவுக்கு கொண்டுவந்தது.
இதனைத் தொடர்ந்து தமது முதலாவது இன்னிங்ஸில் பதிலளித்தாடிய அயர்லாந்து அணி மூன்றாம் நாளான இன்று 143 ஓட்டங்களுக்கு சகல விக்கெட்டுகளையும் இழந்தது.
இந்தநிலையில், 448 ஓட்டங்கள் பின்தங்கிய நிலையில் ஃப்பளோ வன் முறையில் இரண்டாவது இன்னிங்ஸை ஆரம்பித்த அயர்லாந்து அணி, 168 ஓட்டங்களுக்கு சகல விக்கெட்டுகளையும் இழந்து தோல்வியடைந்துள்ளது.
இரு அணிகளுக்கு இடையிலான இரண்டாவது டெஸ்ட் போட்டி எதிர்வரும் 24 ஆம் திகதி காலியில் ஆரம்பமாகவுள்ளது.
