ஆஷஸ் டெஸ்ட் தொடரின் முதலாவது போட்டியின் மூன்றாம் நாள் ஆட்டம் தற்போது இடம்பெற்றுவரும் நிலையில் அவுஸ்ரேலிய அணி தனது முதல் இன்னிங்சிற்காக 386 ஓட்டங்களை பெற்றுள்ளது.
பர்மிங்கம் மைதானத்தில் நேற்று முன்தினம் ஆரம்பமான இப்போட்டியில் நாணய சுழற்சியில் வெற்றிபெற்ற இங்கிலாந்து அணி முதலில் துடுப்பெடுத்தாட தெரிவு செய்தது.
அதன்படி தனது முதல் இன்னிஸிற்காக துடுப்பெடுத்தாடிய இங்கிலாந்து அணி 8 விக்கெட்கள் இழப்பிற்கு 393 ஓட்டங்களை பெற்று ஆட்டத்தை இடைநிறுத்திக்கொண்டது.
இதனை தொடர்ந்து பதிலுக்கு துடுப்பெடுத்தாடிய அவுஸ்ரேலியா அணி அனைத்து விக்கெட்களையும் இழந்து 386 ஓட்டங்களை பெற்றுக்கொண்டுள்ளது.
அவ்வணி சார்பாக அதிகட்சமாக உஸ்மன் கவாஜா 141 ஓட்டங்களையும் அலெக்ஸ் கேரி 66 ஓட்டங்களையும் டிராவிஸ் ஹெட் 50 ஓட்டங்களையும் பெற்றுக்கொடுத்தனர்.
இங்கிலாந்து அணி சார்பாக பந்துவீச்சில் ஸ்டூவர்ட் பிரோட் மற்றும் ஒலி ரொபின்சன் ஆகியோர் தலா 3 விக்கெட்களை வீழ்த்தினர்.
இந்நிலையில் 7 ஓட்டங்கள் முன்னிலையோடு இங்கிலாந்து அணி தனது இரண்டாவது இன்னிங்சிற்காக துடுப்பெடுத்தாடி வருகின்றது.
