வவுனியா, தாண்டிக்குளம் பகுதியில் கடமையில் ஈடுபட்டிருந்த போக்குவரத்துப் பொலிஸார் மீது மோட்டார் சைக்கியொன்று மோதிய சம்பவம் நேற்றிரவு இடம்பெற்றுள்ளது.
சம்பவ தினத்தன்று கடமையில் இருந்த போக்குவரத்துப் பொலிஸார் வீதியில் சென்ற குறித்த மோட்டார் சைக்கிளை வீதியின் குறுக்காகச் சென்று வழிமறித்த போதே கட்டுப்பாட்டை இழந்த மோட்டார் சைக்கிளானது இவ்வாறு விபத்துக்குள்ளாகியுள்ளது.
இவ்விபத்தில் காயமடைந்த பொலிஸார் வைத்திய சாலையில் அனுமதிக்கப்பட்டு சிகிச்சை பெற்றுவரும் நிலையில், விபத்தினை ஏற்படுத்தியவர் கைது செய்யப்பட்டுள்ளார் எனத் தெரிவிக்கப்பட்டுள்ளது.
இந்நிலையில் இதுதொடர்பான மேலதிக விசாரணைகளை வவுனியா பொலிஸார் முன்னெடுத்து வருகின்றனர்.
