இலங்கை மக்களும் கிரிக்கெட் ரசிகர்களும் மிகவும் ஆவலுடன் எதிர்பார்த்த லங்கா பிரீமியர் லீக் 2023 (LPL 2023) கிரிக்கெட் தொடரின் 4வது சீசனானது இம்மாதம் 30 ஆம் திகதி ஆரம்பமாகவுள்ளது.
இந்நிலையில் இதுதொடர்பான ஆரம்ப நிகழ்வானது அண்மையில் மினி கூப்பர் கார் பேரணியுடன் கொழும்பில் வெகு விமர்சையாக ஆரம்பமானது.
அந்தவகையில் லங்கா பிரீமியர் லீக் தொடரின் பணிப்பாளர் திரு. சமந்த தொடன்வெலவின் தலைமையில் இடம்பெற்ற இப் பேரணியானது SLC தலைமையகத்தில் இருந்து தனது பயணத்தை ஆரம்பித்து சுதந்திர சதுக்கம், துன்முல்லை, காலி வீதி, இலங்கை வங்கி மாவத்தை மற்றும் கொழும்பு 01 ஆகிய இடங்களைக் கடந்து, டெக்னிக்கல் சந்தி ஊடாக மருதானையை வந்தடைந்தது.
இப்பேரணியில் சுமார் 40 க்கும் மேற்பட்ட கிளாசிக் மினி கூப்பர் மற்றும் மோக் கார்கள் அணிவகுத்துச்சென்றதாகவும் அது பார்வையாளர்களின் கவனத்தை வெகுவாகக் கவர்ந்திருந்ததாகவும் தெரிவிக்கப்பட்டுள்ளது.
லங்கா பிரீமியர் லீக் தொடரின் அணிகள், அட்டவணை மற்றும் டிக்கெட் விவரங்கள் பற்றிய கூடுதல் தகவலுக்கு, www.srilankacricket.lk ஐப் பார்வையிடவும்.
