லங்கா பிரீமியர் லீக் ரி-20 தொடரின் 8ஆவது லீக் போட்டியில், தம்புள்ளை அவுரா அணி 10 ஓட்டங்கள் வித்தியாசத்தில் வெற்றிபெற்றுள்ளது.
கண்டி- பல்லேகல மைதானத்தில் நடைபெற்ற இப்போட்டியில், கொழும்பு ஸ்ட்ரைக்கர்ஸ் அணியும் தம்புள்ளை அவுரா அணியும் பலப்பரீட்சை நடத்தின.
இப்போட்டியில் நாணய சுழற்சியில் வெற்றிபெற்ற கொழும்பு ஸ்ட்ரைக்கர்ஸ் அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய தம்புள்ளை அவுரா அணி, நிர்ணயிக்கப்பட்ட 20 ஓவர்கள் நிறைவில் 6 விக்கெட்டுகள் இழப்புக்கு 196 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக குசல் மெண்டிஸ் 87 ஓட்டங்களையும் சதீர சமரவிக்கிரம 59 ஓட்டங்களையும் பெற்றுக்கொண்டனர்.
கொழும்பு ஸ்ட்ரைக்கர்ஸ் அணியின் பந்துவீச்சில், மதீஷ பத்திரன 3 விக்கெட்டுகளையும் நஷிம் ஷா 2 விக்கெட்டுகளையும் சமிக்க கருணாரத்ன 1 விக்கெட்டினையும் விழ்த்தினர்.
இதனைத்தொடர்ந்து 197 ஓட்டங்கள் என்ற வெற்றி இலக்கை நோக்கி பதிலுக்கு களமிறங்கிய கொழும்பு ஸ்ட்ரைக்கர்ஸ் அணி, 20 ஓவர்கள் நிறைவில் 4 விக்கெட்டுகள் இழப்புக்கு 182 ஓட்டங்களை மட்டுமே பெற முடிந்தது. இதனால் தம்புள்ளை அவுரா அணி 10 ஓட்டங்கள் வித்தியாசத்தில் வெற்றிபெற்றது.
இதன்போது அணியின் அதிகப்பட்ச ஓட்டங்களாக, நுவனிந்து பெனார்டோ 56 ஓட்டங்களையும் பாபர் அசாம் 41 ஓட்டங்களையும் பெற்றுக்கொண்டனர்.
தம்புள்ளை அவுராயின் பந்துவீச்சில், நூர் அஹமட் 2 விக்கெட்டுகளையும் ஹெய்டன் கெர் மற்றும் தனஞ்சய டி சில்வா ஆகியோர் தலா 1 விக்கெட்டினையும்; வீழ்த்தினர்.
