உலகக் கிண்ண கிரிக்கெட் போட்டியில் இலங்கைக்கு எதிராக நேற்றைய போட்டியில் அவுஸ்ரேலியா அணி 5 விக்கெட் வித்தியாசத்தில் வெற்றி பெற்றது.
210 ஓட்டங்கள் என்ற எளிதான வெற்றி இலக்கை துரத்திய அவுஸ்ரேலிய அணி, 35 ஓவர்கள் 2 பந்துகளில் 215 ஓட்டங்களை எடுத்து வெற்றியை தன்வசப்படுத்தியது.
அவ்வணி சார்பாக ஜோஷ் இங்கிலிஸ் 58 ஓட்டங்களையும் மிட்செல் மார்ஷ் 52 ஓட்டங்களையும் மார்னஸ் லபுசாக்னே 40 ஓட்டங்களையும் பெற்றனர்.
இலங்கை அணி சார்பாக தனித்து போராடிய டில்ஷான் மதுஷங்க 9 ஓவர்களில் 38 ஓட்டங்களுக்கு 3 விக்கெட்டுகளை வீழ்த்தினார்.
முதலில் துடுப்பெடுத்தாடிய இலங்கை அணி 43 ஓவர்கள் 3 பந்துகளில் 209 ஓட்டங்களை மட்டுமே எடுத்து மீண்டும் கிரிக்கெட் ரசிகர்களின் எதிர்பார்ப்பை முறியடித்தது.
இலங்கை ஆணை சார்பாக பதும் நிஸ்ஸங்க 61 ஓட்டங்களையும், குசல் ஜனித் பெரேரா 78 ஓட்டங்களையும் பெற்றனர்.
அவுஸ்ரேலிய அணியின் பந்துவீச்சில் அடம் சாம்பா 4 விக்கெட்டுகளையும் பட் கம்மின்ஸ், மிட்செல் ஸ்டார்க் ஆகியோர் தலா 2 விக்கெட்டுகளை வீழ்த்தினர்.
