தனது மகன் தற்கொலை செய்ய முயற்சித்த செய்தியைக் கேட்டு அதிர்ச்சியடைந்த நபரொருவர் மயங்கி விழுந்து உயிரிழந்த சம்பவம் யாழில் இடம்பெற்றுள்ளது.
யாழ்ப்பாணம் கோப்பாய் பகுதியைச் சேர்ந்த முத்துத்தம்பி விவேகானந்தன் என்ற 71 வயதான நபரே இவ்வாறு உயிரிழந்துள்ளார்.
இவரது இரண்டாவது மகன் நேற்றைய தினம் தனது உயிரை மாய்க்க முயன்ற நிலையில் காப்பாற்றப்பட்டு, யாழ்.போதனா வைத்தியசாலையில் அனுமதிக்கப்பட்டுள்ளார்.
இந்நிலையில் குறித்த செய்தியை அறிந்த தந்தை அதிர்ச்சியில் மயங்கி விழுந்துள்ளார். இதனையடுத்து அவரை வைத்தியசாலைக்கு கொண்டுசென்றபோது அவர் ஏற்கனவே உயிரிழந்துவிட்டார் என வைத்தியர்கள் தெரிவித்துள்ளனர்.
இச்சம்பவமானது அப்பகுதியில் பெரும் சோகத்தை ஏற்படுத்தியுள்ளது.
