மேற்கிந்திய தீவுகளுக்கு பதிலடி கொடுக்குமா இங்கிலாந்து?

மேற்கிந்திய தீவுகள் மற்றும் இங்கிலாந்து அணிகளுக்கிடையிலான இரண்டாவது ஒருநாள் போட்டி, இன்று (புதன்கிழமை) நடைபெறவுள்ளது.

ஆன்டிகுவா மைதானத்தில் நடைபெறவுள்ள இப்போட்டியில், இங்கிலாந்து அணிக்கு ஜோஸ் பட்லரும் மேற்கிந்திய தீவுகள் அணிக்கு சாய் ஹோப்பும் தலைமை தாங்குகின்றனர்.

இரு அணிகளும் மோதிய முதல் போட்டியில், மேற்கிந்திய தீவுகள் அணி 4 விக்கெட்டுகள் வித்தியாசத்தில் வெற்றிபெற்றது.

ஆகையால், தற்போது இன்றைய போட்டியில், மேற்கிந்திய தீவுகள் அணி, வெற்றியை தொடரவும் இங்கிலாந்து அணி பதிலடி கொடுக்கவும் ஆர்வம் காட்டும்.

இங்கிலாந்து அணி, மூன்று போட்டிகள் கொண்ட ஒருநாள் தொடர் மற்றும் ஐந்து போட்டிகள் கொண்ட ரி-20 தொடரில் விளையாடுவதற்காக மேற்கிந்திய தீவுகளுக்கு கிரிக்கெட் சுற்றுப்பயணம் மேற்கொள்ளவுள்ளது.

இரு அணிகளும் மோதுவது 104ஆவது ஒருநாள் போட்டியாகும். இதுவரை நடந்த 103 போட்டிளிலும் இங்கிலாந்து அணி 52 போட்டிகளிலும்;, மேற்கிந்திய தீவுகள் அணி 45 போட்டிகளிலும் வெற்றி பெற்றுள்ளன.