முல்லைத்தீவு, சிலாவத்தை வீதியில் நேற்றிரவு (10) இரவு மோட்டார் சைக்கிளொன்று இராணுவத்தினரின் பேருந்துக்குள் சிக்குண்டத்தில் இளம் தாயும் மகளும் படுகாயமடைந்துள்ளனர்.
மோட்டார் சைக்கிளில் பயணித்த தாயும் மகளும் வீதியில் நின்ற மாட்டுடன் மோதிய நிலையில், வீதியால் சென்று கொண்டிருந்த இராணுவ பேருந்துக்குள் சிக்குண்டுள்ளனர் எனக் கூறப்படுகின்றது.
இதன்போது படுகாயமடைந்த சிலாவத்தை பகுதியைச் சேர்ந்த இருவரும் முல்லைத்தீவு மாவட்ட மருத்துவமனை கொண்டுசெல்லப்பட்டு மேலதிக சிகிச்சைக்காக யாழ்போதனா மருத்துவமனைக்கு மாற்றப்பட்டுள்ளனர்.
இச்சம்பவம் தொடர்பில் முல்லைத்தீவு பொலிஸார் மேலதிக விசாரணைகளை முன்னெடுத்து வருகின்றனர்.
