இந்தியாவின் உத்தரப்பிரதேசத்தில் நடைபெற்ற ஹோலிப்பண்டிகையின், லட்டுப் பிரசாதம் வீசும் விழாவில் கலந்துக்கொண்ட பக்தர்களில் கூட்ட நெரிசலில் சிக்கி 20 க்கும் மேற்பட்டோர் காயமடைந்துள்ளனர்.
ஹோலிப் பண்டிகையை முன்னிட்டு உத்தரப்பிரதேசம் மதுரா நகரில் லட்டு வீசும் திருவிழா நடைபெற்றது.
இதன்போது, அதிகமாக பக்தர்கள் கூடியதால் தள்ளுமுள்ளு நெரிசல் ஏற்பட்டதில் 20க்கும் மேற்பட்டோர் காயம் அடைமடைந்துள்ளனர்..
நேற்று முதல் 10 நாட்களுக்கு ஹோலிப்பண்டிகையை முன்னிட்டு லட்டு வீசும் விழா நடைபெறுகிறது.
கூரைகளின் மேல் இருந்து அர்ச்சகர்கள் வீசும் லட்டுப் பிரசாதத்தைப் பெற பக்தர்கள் முண்டியடிப்பது வழக்கம்.
நேற்று இவ்விழாவின்போது பக்தர்கள் ஒருவர் மீது ஒருவர் விழுந்து காலடியில் நசுங்கினர்.
இதன்போது பொலிஸார் கூட்டத்தைக் கட்டுப்படுத்த நடைநவடிக்கை எடுத்தமையினால் பெரும் உயிர்ச்சேதம் தவிர்க்கப்பட்டமை குறிப்பிடத்தக்கது.
