உயிர்த்த ஞாயிறு தாக்குதல் தொடர்பாக நாடாளுமன்றில் மூன்று நாட்கள் சபை ஒத்திவைப்பு விவாதம் நடத்துவதற்கு தீர்மானிக்கப்பட்டுள்ளது.
உயிர்த்த ஞாயிறு தாக்குதல் தொடர்பாக எதிர்க்கட்சியினால் கொண்டுவரப்படும் சபை ஒத்திவைப்புப் பிரேரணை மீதான விவாதம் முன்னெடுக்கப்படவுள்ளது
இதன்படி எதிர்வரும் 24 25 மற்றும் 26 ஆகிய திகதிகளில் விவாதம் நடைபெறவுள்ளதாக நாடாளுமன்ற பிரதி பொதுச் செயலாளரின் பிரதானி சமிந்த குலரத்ன தெரிவித்துள்ளார்
குற்றவியல் நடைமுறை திருத்தம் சட்டமூலம் தொடர்பான இரண்டாம் வாசிப்பு மற்றும் அபாயகரமான மருந்துகள் கட்டளைச் சட்டத்தின் கீழான விடயங்கள் எதிர்வரும் 24 ஆம் திகதி விவாதத்திற்கு எடுத்துக்கொள்ளப்படவுள்ளதுடன் அதன்பின்னர் உயிர்த்த ஞாயிறு தாக்குதல் தொடர்பான விவாதம் ஆரம்பமாகவுள்ளதாக அறிவிக்கப்பட்டுள்ளது.
