இந்திய கிரிக்கெட் அணியின் வேகப்பந்து வீச்சாளரான பும்ராவை மட்டும் தான் இலக்கு வைக்கவில்லை எனவும் இந்திய அணியில் உள்ள அனைத்து பந்து வீச்சாளர்களையும் இலக்கு வைத்துள்ளதாகவும், ஆப்கானிஸ்தான் கிரிக்கெட் அணியின் ஆரம்ப துடுப்பாட்ட வீரரான குர்பாஸ் தெரிவித்துள்ளார்.
ரி20 உலகக் கிண்ண கிரிக்கெட் போட்டிகள் நடைபெற்று வருகின்ற நிலையில் சூப்பர் 8 சுற்றுக்கள் ஆரம்பமாகியுள்ளன.
ரி20 உலகக் கிண்ணத் தொடருக்கான சூப்பர் 8 சுற்றில் இந்தியா மற்றும் ஆப்கானிஸ்தான் அணிகள் இன்று பலப்பரீட்சை நடத்தவுள்ளன.
இந்நிலையில் ஆப்கானிஸ்தான் கிரிக்கெட் அணியின் ஆரம்ப துடுப்பாட்ட வீரரான குர்பாஸ் இந்திய அணியின் பந்து வீச்சாளர்கள் தொடர்பாக கருத்து வெளியிட்டிருந்தார்.
இந்திய கிரிக்கெட் அணியின் வேகப்பந்து வீச்சாளரான பும்ராவின் பந்து வீச்சினை சாவாலுடன் எதிர்கொள்ளதாகவும் அவரது பந்து வீச்சில் ஆட்டமிழப்பை தவிர்ப்பதற்கு நம்பிக்கையுடன் போராடவுள்ளதாக ஆப்கானிஸ்தான் அணியின் ஆரம்ப துடுப்பாட்ட வீரரான குர்பாஸ் குறிப்பிட்டுள்ளார்.
இதற்கு முன்னர் உலகக் கிண்ண தொடர்களில் இந்திய அணிக்கு எதிராக விளையாடிய அனுபவம் உள்ளதாக ஆப்கானிஸ்தான் கிரிக்கெட் அணியின் ஆரம்ப துடுப்பாட்ட வீரரான குர்பாஸ் மேலும் தெரிவித்துள்ளார்.
ரி20 உலக கிண்ணத் தொடரின் இறுதிப்போட்டிக்கு முன்னேறக்கூடிய ஆளுமை தங்களிடம் உள்ளதாக ஆப்கானிஸ்தான் அணியின் ஆரம்ப துடுப்பாட்ட வீரரான குர்பாஸ் நம்பிக்கை வெளியிட்டிருந்தார்.
