கொழும்பு, கோட்டை புகையிரத நிலையத்திற்கு அருகில் ஆர்ப்பாட்டத்தில் ஈடுபட்ட ஆசிரியர்கள் மற்றும் அதிபர்கள் சங்க உறுப்பினர்கள் மீது பொலிஸார் கண்ணீர்ப்புகை மற்றும் நீர்த்தாரை பிரயோகம் மேற்கொண்டிருந்தனர்.
இதன் காரணமாக கொழும்பு கோட்டை பகுதி மற்றும் ஜனாதிபதி செயலகப் பகுதியில் பெரும் பதற்றமும் ஏற்பட்டிருந்தது.
குறிப்பாக பல கோரிக்கைகளை முன்வைத்து ஆர்ப்பாட்டத்தில் ஈடுபட்டு வருகின்ற ஆசிரியர்கள் மற்றும் அதிபர்கள், பொலிஸாரின் தடையை உடைத்து லோட்டர் வீதியால் பேரணியை முன்னெடுக்க முயற்சித்திருந்தனர்.
இதன் காரணமாக பெட்டகொடோவ மற்றும் ஒல்கொட் மாவத்தை மற்றும் அண்மித்த வீதிகளில் கடும் வாகன நெரிசல் ஏற்பட்டிருந்தாக பொலிஸார் தெரிவித்தனர். மேலும் போராட்டம் காரணமாக லோட்டஸ் வீதியும் மூடப்பட்டிருந்தது.
இந்த போராட்டத்தில் சுமார் 5000 பேர் வரையில் கலந்து கொண்டிருந்தனர் என்பதும் குறிப்பிடத்தக்கது.
