கொழும்பில் இன்று முதல் எதிர்வரும் 16 ஆம் திகதி வரை விசேட போக்குவரத்து திட்டம் அமுல்படுத்தப்படவுள்ளதாக பொலிஸ் தலைமையகம் அறிவித்துள்ளது.
போரா மார்க்கத்தைச் சேர்ந்த பெருந்திரளான பக்தர்களின் பங்கேற்புடன் பம்பலபிட்டி போரா மதத் தலம் மற்றும் கோட்டை பகுதியில் நடைபெறவுள்ள கண்காட்சி மற்றும் மாநாடு காரணமாக இந்த விசேட போக்குவரத்து திட்டம் அமுல்படுத்தப்படவுள்ளது.
அதன்படி, குறித்த காலப் பகுதியில் இன்று காலை 8 மணி முதல் முற்பகல் 11 மணி வரையும், பிற்பகல் ஒரு மணி முதல் பிற்பகல் 3 மணி வரையும், மாலை 5 மணி முதல் இரவு 10 மணி வரையும் இந்த நிகழ்வுகள் நடைபெறவுள்ளன.
இதனால் குறித்த சந்தர்ப்பத்திலேயே விசேட போக்குவரத்து திட்டம் அமுல்படுத்தப்படுவதாகவும் இந்த காலப்பகுதியில் மாற்று வீதிகளை பயன்படுத்துமாறும் சாரதிகளிடம் பொலிஸ் தலைமையம் கோரிக்கை விடுத்துள்ளது.
