மட்டக்களப்பு, ஏறாவூர் பகுதியில் 14 வயதான சிறுமியைப் பாலியல் துஷ்பிரயோகம் செய்த குற்றச் சாட்டில் இளைஞர் ஒருவரையும் அவரது தாயாரையும் பொலிஸார் கைது செய்துள்ளனர்.
குறித்த சிறுமியும் இளைஞரும் காதலித்து வந்துள்ள நிலையில் கடந்த மே மாதம் அச்சிறுமியை தனது வீட்டுக்கு அழைத்துச் சென்று இளைஞர் பாலியல் துஷ்பிரயோகம் செய்துள்ளார் எனத் தெரிவிக்கப்படுகின்றது.
இந்நிலையில் குறித்த விடயம் பிரதேச செயலக சிறுவர் நன்னடத்தை அதிகாரியிடம் கொண்டு செல்லப்பட்டதையடுத்து அவர் மூலமாக பொலிஸ் நிலையத்தில் முறைப்பாடு பதிவு செய்யப்பட்டுள்ளதாகத் தெரிவிக்கப்பட்டுள்ளது.
இதனையடுத்து சிறுமியைப் பாலியல் துஷ்பிரயோகம் செய்த குற்றச்சாட்டில் இளைஞரையும்,அதற்கு உடந்தையாக இருந்த குற்றச்சாட்டில் இளைஞனின் தாயாரையும் கைது செய்த பொலிஸார் இருவரையும் நீதிமன்றில் ஆஜர்படுத்த நடவடிக்கை எடுத்து வருவதாகத் தெரிவிக்கப்பட்டுள்ளது.
