யாழ்ப்பாணம் மாதகல் கடற்பகுதியில் படகு விபத்துக்கு உள்ளான நிலையில், கடலில் மூழ்கி காணாமல் போன இளைஞனின் சடலம் இன்று காலை கரையொதுங்கியுள்ளது.
யாழ்ப்பாணம், மாதகல் பகுதியில் இருந்து நேற்று அதிகாலை கடற்தொழிலுக்காக இருவர் படகொன்றில் சென்றிருந்தபோது, குறித்த படகானது கடலில் கவிழ்ந்து விபத்துக்குள்ளானது.
அதன் போது படகில் இருந்த இருவரும் கடலில் மூழ்கிய நிலையில், அருகில் மீன் பிடியில் ஈடுபட்டிருந்த சக கடற்தொழிலாளர்கள் அதனை அவதானித்து, படகு கவிழ்ந்த இடத்திற்கு விரைந்து ஒருவரை காப்பாற்றி இருந்தனர்.
சம்பவத்தில் மற்றையவர் கடலில் மூழ்கி காணாமல் போன நிலையில், அவரை தேடும் பணிகள் நேற்று முதல் தீவிரமாக முன்னெடுக்கப்பட்டிருந்தது.இந்த நிலையில் இன்று காலை காணாமல் போனவரின் சடலம் கரையொதிங்கியுள்ளது.
மாதகல் பகுதியைச் சேர்ந்த கடற்தொழிலாளியான நாகராஜா பகீரதன் எனும் 21 வயதுடைய இளைஞனே குறித்த சம்பவத்தில் உயிரிழந்துள்ளார். இந்த விடயம் தொடர்பாக பொலிஸார் விசாரணைகளை முன்னெடுத்து வருகின்றனர்.
