எதிர்வரும் நவம்பர் மாதம் நடைபெறவுள்ள ஹொங்கொங் சிக்ஸர்ஸ் போட்டிகளில் விளையாடும் அணியையை ஸ்ரீலங்கா கிரிக்கெட் பெயரிட்டுள்ளது.
அதன்படி, லஹிரு மதுசங்க (தலைவர்), லஹிரு சமரகோன், நிமேஷ் விமுக்தி, சந்துன் வீரக்கொடி, தனஞ்சய லக்ஷான், தரிந்து ரத்நாயக்க மற்றும் தானுக்க டபரே ஆகியோர் தொடரில் விளையாடுவதற்கு தெரிவாகியுள்ளனர்.
போட்டி ஹொங்கொங்கில் 2024 நவம்பர் 1 முதல் 3 வரை நடைபெறும்.
ஏழு வருட இடைவெளிக்குப் பின்னர் நடைபெறும் இந்தத் தொடரில் இந்தியா, அவுஸ்திரேலியா, பாகிஸ்தான் மற்றும் இங்கிலாந்து உட்பட 12 அணிகள் மோதுகின்றன.
மூன்று நாட்கள் நடைபெறும் இந்தத் தொடரில் இறுதிப் போட்டி உள்ளடங்களாக மொத்தம் 29 போட்டிகள் நடைபெறவுள்ளன.
ஹொங்கொங் சிக்ஸர்ஸ் போட்டியின் புகழ்பெற்ற வரலாற்றில், மிகவும் வெற்றிகரமான அணிகளாக தென்னாப்பிரிக்கா, இங்கிலாந்து மற்றும் பாகிஸ்தான் போன்றவை பார்க்கப்படுகின்றன.
அதே நேரத்தில் இந்தியா, இலங்கை, அவுஸ்திரேலியா மற்றும் மேற்கிந்திய தீவுகள் போன்ற நாடுகளும் முன்னாள் சாம்பியன்களாகும்.
