சர்வதேச கிரிக்கெட் நிர்வாகத்தின் (ஐசிசி) அண்மைய ஒருநாள் பந்து வீச்சாளர்கள் தரவரிசையில், இலங்கை நட்சத்திரம் மகிஷ் தீக்ஷன ஆறாவது இடத்துக்கு முன்னேறியுள்ளார்.
அண்மையில் நடந்து முடிந்த நியூஸிலாந்து அணியுடனான ஒருநாள் தொடரில் அவர் வெளிப்படுத்திய ஆட்டமே இந்த முன்னேற்றத்துக்கு காரணமாக அமைந்தது.
மூன்று போட்டிகள் கொண்ட ஒருநாள் தொடரின் இறுதிப் போட்டி மழையால் கைவிடப்பட்ட நிலையில் முதலிரு போட்டிகளிலும் மகிஷ் தீக்ஷன மொத்தமாக 05 விக்கெட்டுகளை கைப்பற்றியிருந்தார்.
இந்த தொடர் தொடங்குவதற்கு முன்னதாக தரவரிசையில் 12 ஆவது இடத்தில் மகிஷ் தீக்ஷன இருந்தார்.
இதேவேளை, ஐசிசியின் டி20 பந்துவீச்சாளர் தரவரிசையில் அவர் ஐந்தாவது இடத்தில் உள்ளமையும் குறிப்பிடத்தக்கது.
