லங்கா பிரீமியர் லீக் ரி-20 தொடரின், 4ஆவது லீக் போட்டியில், கண்டி பெஃல்கன்ஸ் அணி 5 விக்கெட்டுகள் வித்தியாசத்தில் வெற்றிபெற்றது.
ஹம்பாந்தோட்டையில் நேற்று (புதன்கிழமை) நடைபெற்ற இப்போட்டியில், கண்டி பெஃல்கன்ஸ் அணியும் காலி க்ளேடியேட்டர்ஸ் அணியும் மோதின.
இப்போட்டியில் நாணய சுழற்சியில் வெற்றிபெற்ற காலி க்ளேடியேட்டர்ஸ் அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய காலி க்ளேடியேட்டர்ஸ் அணி, நிர்ணயிக்கப்பட்ட 20 ஓவர்கள் நிறைவில் 8 விக்கெட்டுகள் இழப்புக்கு 121 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, மோவின் சுபசிங்கா 40 ஓட்டங்களையும் இமாட் வசிம் 34 ஓட்டங்களையும் பெற்றுக்கொண்டனர்.
கண்டி பெஃல்கன்ஸ் அணியின் பந்துவீச்சில், கார்லோஸ் பிரத்வெயிட் 4 விக்கெட்டுகளையும் ஷாவுர் கான் 2 விக்கெட்டுகளையும் இருசு உதான மற்றும் வனிந்து ஹசரங்க ஆகியோர் தலா 1 விக்கெட்டினையும் வீழ்த்தினர்.
இதனைத்தொடர்ந்து 122 என்ற வெற்றி இலக்கை நோக்கி பதிலுக்கு களமிறங்கிய கண்டி பெஃல்கன்ஸ் அணி, 15 ஓவர்கள் நிறைவில் 5 விக்கெட்டுகள் இழப்புக்கு வெற்றி இலக்கை கடந்தது. இதனால், கண்டி பெஃல்கன்ஸ் அணி 5 விக்கெட்டுகள் வித்தியாசத்தில் வெற்றிபெற்றது.
இதன்போது அணியின் அதிகப்பட்ச ஓட்டங்களாக, கமிந்து மெண்டிஸ் 44 ஓட்டங்களையும் பெத்தும் நிஸங்க 22 ஓட்டங்களையும் பெற்றுக்கொண்டனர்.
காலி க்ளேடியேட்டர்ஸ் அணியின் பந்துவீச்சில், நுவான் பிரதீப் 2 விக்கெட்டுகளையும் இப்தீகார் அஹமட், நுவான் துசார மற்றும் புலின தரங்க ஆகியோர் தலா 1 விக்கெட்டினை வீழ்த்தினர்.
இப்போட்டியின் ஆட்டநாயகனாக, கண்டி சார்பில் 4 விக்கெட்டுகளை வீழ்த்திய கார்லோஸ் பிரத்வெயிட் தெரிவுசெய்யப்பட்டார்.
