பங்களாதேஷ் அணிக்கு எதிரான இரண்டாவதும் இறுதியுமான டெஸ்ட் போட்டியில் இந்தியா அணி 3 விக்கெட்களால் வெற்றிபெற்றுள்ளது.
கடந்த வியாழக்கிழமை ஆரம்பமான இந்த போட்டியில் நாணய சுழற்சியில் வெற்றிபெற்ற பங்களாதேஷ் அணி முதலில் துடுப்பெடுத்தாட தீர்மானித்தது.
அதன்படி முதல் இன்னிங்ஸிற்காக களமிறங்கிய பங்களாதேஷ் அனைத்து விக்கெட்களையும் இழந்து 227 ஓட்டங்களையும் இந்தியா அணி 314 ஓட்டங்களையும் பெற்றுக்கொண்டன.
தொடர்ந்து 87 ஓட்டங்கள் பின்னிலையோடு தனது இரண்டாவது இன்னிங்ஸை தொடங்கிய பங்களாதேஷ் அணி சகல விக்கெட்களையும் இழந்து 231 ஓட்டங்களை பெற்றுக்கொண்டது.
எனவே 144 ஓட்டங்கள் என்ற வெற்றி இலக்கோடு பதிலுக்கு துடுப்பெடுத்தாடிய இந்திய அணி 7 விக்கெட்களை இழந்து வெற்றி இலக்கை கடந்தது.
இந்த வெற்றியின் மூலம் இரண்டு போட்டிகள் கொண்ட டெஸ்ட் தொடரை இந்தியா அணி 2-0 என்ற கணக்கில் கைப்பற்றியுள்ளது.
