பிஃபா மகளிர் உலகக் கிண்ண கால்பந்து தொடரில் நேற்று இடம்பெற்ற போட்டியில் பிலிப்பைன்ஸ் மற்றும் கொலம்பியா அணிகள் வெற்றிபெற்றுள்ளன.
பெண்கள் உலகக் கிண்ண தொடரின் இணை அனுசரணை நாடான நியூசிலாந்து, அறிமுக நாடான பிலிப்பைன்ஸிடம் அதிர்ச்சி தோல்வியை சந்தித்துள்ளது.
முதல் பாதியில் 24 ஆவது நிமிடத்தில் பிலிப்பைன்ஸ் அணியின் சரினா போல்டன் அடித்த கோல் அணிக்கு வெற்றியை கொடுத்தது.
அதன்படி குழு ஏ பிரிவில் சுவிஸர்லாந்து அணி 4 புள்ளிகளுடன் முதல் இடத்திலும் 3 புள்ளிகளுடன் நியூசிலாந்து மற்றும் பிலிப்பைன்ஸ் அணிகள் இரண்டு மற்றும் மூன்றாவது இடங்களை பிடித்துள்ளன.
இதேவேளை நேற்றையதினம் இடம்பெற்ற குழு எச். பிரிவுக்கான போட்டியில் தென்கொரியாவிற்கு எதிராக இடம்பெற்ற போட்டியில் கொலம்பியா அணி 2-0 வெற்றிபெற்றுள்ளது.
