ஆப்கானிஸ்தானுக்கு எதிரான T20 தொடரில் பங்கேற்கும் 16 பேர் கொண்ட இலங்கை அணி தொடர்பான விபரத்தை இலங்கை கிரிக்கெட் சபை வெளியிட்டுள்ளது.
ஆப்கானிஸ்தானுக்கு எதிரான T20 போட்டிகள் எதிர்வரும் 17, 19 மற்றும் 21 ஆகிய திகதிகளில் ரங்கிரி தம்புள்ளை சர்வதேச கிரிக்கெட் மைதானத்தில் நடைபெற உள்ளது.
இந்நிலையில் இரண்டாவது ஒருநாள் போட்டியில் காயமடைந்த துஷ்மந்த சமீர, T20 அணியில் உள்வாங்கப்பட்ட நிலையில் அவர் காயத்தில் இருந்து மீளாததால் பினுர பெர்னாண்டோ சேர்க்கப்பட்டுள்ளார்.
அதன்படி வனிந்து ஹசரங்க தலைமையில இலங்கை அணியில் துணை தலைவராக சரித் அசலங்க செயற்படுவார் என்று இலங்கை கிரிக்கெட் சபை அறிவித்துள்ளது.
மேலும் பத்தும் நிஸ்ஸங்க, குசல் மெண்டிஸ், தனஞ்சய டி சில்வா, குசல் ஜனித் பெரேரா, ஏஞ்சலோ மேத்யூஸ், தசுன் சானக, மகேஷ் தீக்ஷன, பினுர பெர்னாண்டோ, மதீஷ பத்திரன, தில்ஷான் மதுஷங்க, நுவன் துஷார, அகில தனஞ்சய, கமிந்து மெண்டிஸ்,சதீர சமரவிக்ரம ஆகியோர் அணியில் இடம்பெற்றுள்ளனர்.
