இஸ்லாமியத் தீவிரவாதச் செயல்பாடுகளில் ஈடுபட்டதாகப் பதிவுகள் கொண்ட 21 வயதுடைய நபர் ஒருவர் பொலிஸாரால் சுட்டுக் கொல்லப்பட்டதாக ஜெர்மன் காவல்துறை ஞாயிற்றுக்கிழமை (26) தெரிவித்துள்ளது.
பெர்லினில் நடைபெற்ற ‘பிரைட்’ (Pride) கொண்டாட்டங்களுக்கு அருகே மினிவேனை மக்கள் கூட்டத்தின் மீது மோதியதாகக் கூறப்படும் சம்பவத்தில் ஒருவர் உயிரிழந்த நிலையில் அதற்கு அடுத்த நாள் இந்த சம்பவம் நிகழ்ந்துள்ளது.
ஐரோப்பாவின் மிகப்பெரிய வருடாந்திர LGBTQ கொண்டாட்டங்களில் ஒன்றான ‘கிறிஸ்டோபர் ஸ்ட்ரீட் டே’ (Christopher Street Day) நடைபெறும் இடத்திற்கு அருகிலேயே, சனிக்கிழமையன்று இரவு சுமார் 10 மணிக்கு (2000 GMT) பிராண்டன்பர்க் வாயிலுக்கு (Brandenburg Gate) அருகிலுள்ள டியர்கார்டன் பூங்காவில் (Tiergarten park) மினிவேனை பயன்படுத்தி திட்டமிட்ட இந்த விபத்து சம்பவம் நிகழ்ந்துள்ளது.
வாகனத்தால் மோதிய விபத்தை ஏற்படுத்தியதை தொடர்ந்து, சந்தேக நபர் மேற்கொண்ட கத்திக்குத்துத் தாக்குதலில் பலர் காயமடைந்ததாகக் பொலிஸார் தெரிவித்தனர்.
இதன்படி, இந்த தாக்குதலில் ஒரு பெண் கொல்லப்பட்டார் மற்றும் குறைந்தது 29 பேர் காயமடைந்தனர்.
