ஆண்டின் மூன்றாவது கிராண்ட்ஸ்லாம் அந்தஸ்து பெற்ற, விம்பிள்டன் பகிரங்க டென்னிஸ் தொடர் விறுவிறுப்பாக நடைபெற்று வருகின்றது.
உலகில் மிகவும் பழமையான இந்த தொடர், புற்தரையில் நடைபெறும் சிறப்பு மிக்க தொடராகும்.
ஆண்கள்- பெண்கள் என இரு பிரிவினருக்கும் நடைபெறும் இத்தொடரில், மொத்தம் நான்கு பிரிவுகளில் போட்டிகள் நடைபெறுகின்றன.
இதன்படி தற்போது நடைபெற்றுவரும் ஆண்களுக்கான ஒற்றையர் பிரிவு, முதலாவது சுற்றுப் போட்டிகளின் முடிவுளை பார்க்கலாம்,
1. ஆண்களுக்கான ஒற்றையர் பிரிவு முதலாவது சுற்றுப் போட்டியில், பிரித்தானியாவின் ஆன்டி முர்ரேவும் ஜோர்ஜியாவின் நிகோலோஸ் பசிலாஷ்விலியும் பலப்பரீட்சை நடத்தினர்.
பரபரப்பாக நடைபெற்ற இப்போட்டியில், ஆன்டி முர்ரே 6-4, 6-3, 5-7, 6-3 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
2. ஆண்களுக்கான ஒற்றையர் பிரிவு முதலாவது சுற்றுப் போட்டியில், செர்பியாவின் முன்னணி வீரரான நோவக் ஜோகோவிச், பிரித்தானியாவின் ஜெக் ட்ரப்பருடன் மோதினார்.
விறுவிறுப்பாக நடைபெற்ற இப்போட்டியில், நோவக் ஜோகோவிச், 4-6, 6-1, 6-2, 6-2 என்ற செட் கணக்குகளில் வெற்றிபெற்று இரண்டாவது சுற்றுக்கு தகுதிபெற்றார்.
3. ஆண்களுக்கான ஒற்றையர் பிரிவு முதலாவது சுற்றுப் போட்டியில், அமெரிக்காவின் பிரான்சிஸ் டியாஃபோ, கிரேக்கத்தின் ஸ்டெபீனோஸ் சிட்ஸிபாசை எதிர்கொண்டார்.
எதிர்பார்ப்பு மிக்க இப்போட்டியில், பிரான்சிஸ் டியாஃபோ, 6-4, 6-4, 6-3 என்ற நேர் செட் கணக்குகளில் வெற்றிபெற்று இரண்டாவது சுற்றுக்குள் நுழைந்தார்.
1. இதேபோல பெண்களுக்கான ஒற்றையர் முதலாவது சுற்றுப் போட்டியில், சீனாவின் வாங் சினியும் அமெரிக்காவின் சோபியா கெனினும் பலப்பரீட்சை நடத்தினர்.
பரபரப்பாக நடைபெற்ற இப்போட்டியில், சோபியா கெனின் 6-4, 6-2 என்ற நேர் செட் கணக்குகளில் வெற்றிபெற்று இரண்டாவது சுற்றுக்குள் அடியெடுத்து வைத்தார்.
2. பெண்களுக்கான ஒற்றையர் முதலாவது சுற்றுப் போட்டியில், அமெரிக்காவின் ஸ்லோன் ஸ்டீபன்சும் செக் குடியரசின் பெட்ரா கிவிட்டோவாவும் மோதினர்.
இப்போட்டியில் ஸ்லோன் ஸ்டீபனஸ் 6-3, 6-4 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
3. பெண்களுக்கான ஒற்றையர் முதலாவது சுற்றுப் போட்டியில், பெலாரஸின் ஆர்யனா சபாலெங்கா, ரோமேனியாவின் மோனிகா நிக்குலெஸ்குவுடன் பலப்பரீட்சை நடத்தினார்.
விறுவிறுப்பாக நடைபெற்ற இப்போட்டியில், ஆர்யனா சபாலெங்கா, 6-1, 6-4 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு தகுதிபெற்றார்.
