செஸ்டர் லீ ஸ்ட்ரீட்டில் நடைபெற்ற முதல் ஒருநாள் போட்டியில் இலங்கை அணியை இங்கிலாந்து அணி 5 விக்கெட்டுகள் வித்தியாசத்தில் வீழ்த்தியது.
நாணயச் சுழற்சியில் வென்ற இங்கிலாந்து கப்டன் ஒயின் மோர்கன் முதலில் களத்தடுப்பைத் தேர்வு செய்தார். முதலில் துடுப்பெடுத்தாட அழைக்கப்பட்ட இலங்கை அணி 42.3 ஓவர்களில் 185 ரன்களுக்கு சகல விக்கெட்டுக்களையும் இழந்தது. இலங்கை அணியின் கப்டன் குசல் பெரேரா 73, ஹசரங்க 54 ஓட்டங்களை எடுத்தனர்.
அடுத்து ஆடிய இங்கிலாந்து அணி ஒரு கட்டத்தில் 4 விக்கெட்டுக்களை 80 ஓட்டங்களை எடுத்த நிலையில் இழந்து தடுமாறியது. ஆனால், அதன் பின்னர் ஜோ ரூட் ஆட்டமிழக்காது 79 ஓட்டங்களைச் சேர்ந்து, இங்கிலாந்தை வெற்றிக்கு அழைத்துச் சென்றார். 34.5 ஓவர்களில் 5 விக்கெட்டுக்களை இழந்து வெற்றி இலக்கை அடைந்தது இங்கிலாந்து.
இந்தப் போட்டியில் கிறிஸ் வோக்ஸ் 18 ஓட்டங்களுக்கு 4 விக்கெட்டுகளைக் கைப்பற்றி ஒரு நாள் போட்டிகளில் 150 விக்கெட்டுகள் என்ற மைல்கல்லை எட்டினார். போட்டியின் நாயகனாகவும் அவரே தெரிவானார்.
இரு அணிகளுக்குமிடையிலான இரண்டாவது ஒருநாள் போட்டி நாளை நடைபெறவுள்ளது.
