மேற்கிந்திய தீவுகள் மற்றும் பாகிஸ்தான் அணிகளுக்கிடையிலான இரண்டாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.
இதன்படி முதல் இன்னிங்ஸிற்காக துடுப்பெடுத்தாடி வரும் பாகிஸ்தான் அணி, நேற்றைய முதல்நாள் ஆட்டநேர முடிவில் 4 விக்கெட்டுகள் இழப்புக்கு 212 ஓட்டங்களை பெற்றுள்ளது.
ஆட்டநேர முடிவில் களத்தில் மொஹமட் ரிஸ்வான் 22 ஓட்டங்களுடனும் பஷிம் அஸ்ரப் 23 ஓட்டங்களுடனும் ஆட்டமிழக்காது களத்தில் இருந்தனர்.
ஜமைக்காவில் நேற்று (வெள்ளிக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற மேற்கிந்திய தீவுகள் அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாட களமிறங்கிய பாகிஸ்தான் அணி, நேற்றைய முதல்நாள் ஆட்டநேர முடிவில் 4 விக்கெட்டுகள் இழப்புக்கு 212 ஓட்டங்களை பெற்றது.
இதன்போது அபிட் அலி மற்றும் இம்ரான் பட் ஆகியோர் ஒரு ஓட்டத்துடன் ஆட்டமிழக்க அசார் அலி ஓட்டமெதுவும் பெறாத நிலையில் ஆட்டமிழந்தனர்.
பாபர் அசாம் 75 ஓட்டங்களுடன் ஆட்டமிழக்க பவாட் அலாம் உபாதைக்காரணமாக 76 ஓட்டங்களுடன் ஓய்வறை திரும்பினார்.
மேற்கிந்திய தீவுகள் அணியின் பந்துவீச்சில், கெமார் ரோச் 3 விக்கெட்டுகளையும் ஜெய்டன் சீல்ஸ் 1 விக்கெட்டினையும் வீழ்த்தினர்.
இன்னமும் 6 விக்கெட்டுகள் வசமுள்ள நிலையில், போட்டியின் இரண்டாவது நாளான இன்று பாகிஸ்தான் அணி துடுப்பெடுத்தாடவுள்ளது.
