முதன்மையான கால்பந்து லீக்: முக்கியப் போட்டிகளின் முடிவுகள்!

தற்போது கழகங்களுக்கிடையிலான முதன்மையான கால்பந்து லீக் தொடர்கள் ஆரம்பமாகி விறுவிறுப்பாக நடைபெற்று வருகின்றன.

இதில் தற்போது ஸ்பெயினில் நடைபெற்று வரும் லா லிகா கால்பந்து லீக் தொடரின், இரண்டாம் கட்டப் போட்டியின் முடிவினை பார்க்கலாம்.

சியுடாட் டி வலென்சியா விளையாட்டரங்கில் நடைபெற்ற போட்டியில், ரியல் மட்ரிட் அணியும் லெவண்டே அணியும் பலப்பரீட்சை நடத்தின.
விறுவிறுப்பாக நடைபெற்ற இப்போட்டியானது 3-3 என்ற கோல்கள் கணகில் சமநிலையில் நிறைவடைந்தது.

லெவண்டே அணி சார்பில், ரொஜர் மார்டி போட்டியின் 46ஆவது நிமிடத்தில் ஒரு கோலும், ஜோஸ் கம்பானா 57ஆவது நிமிடத்தில் ஒரு கோலும், ரொபர் பியர் 79ஆவது நிமிடத்தில் ஒரு கோலும் அடித்தனர்.

ரியல் மெட்ரிட் அணி சார்பில், கரேத் பேல் போட்டியின் ஐந்தாவது நிமிடத்தில் ஒரு கோலும், வினிசியஸ் ஜூனியர் போட்டியின் 73ஆவது மற்றும் 85ஆவது நிமிடங்களில் இரண்டு கோல்கள் அடித்தார்.

நடப்பு தொடரின் புள்ளிபட்டியலில், ரியல் மட்ரிட் அணி இரண்டாவது இடத்திலும், லெவண்டே அணி எட்டாவது இடத்திலும் உள்ளன.

அடுத்தாக செர்ரி- ஏ கால்பந்து லீக் தொடரின் இரண்டாம் கட்டப் போட்டியின் முடிவினை பார்க்கலாம்.

சென் போலோ விளையாட்டரங்களில் நடைபெற்ற போட்டியில், நப்போலி அணியும் வெனிஸியா அணியும் பலப்பரீட்சை நடத்தின.
பரபரப்பாக நடைபெற்ற இப்போட்டியில், நப்போலி அணி 2-0 என்ற கோல்கள் கணக்கில் வெற்றிபெற்றது.

இதில் நப்போலி அணி சார்பில், லொரேன்சோ இன்சைன் போட்டியின் 62ஆவது நிமிடத்தில் கிடைத்த பெனால்டி வாய்ப்பை பயன்படுத்தி ஒரு கோலும், எல்மாஸ் போட்டியின் 72ஆவது நிமிடத்தில் ஒரு கோலும் அடித்தனர்.

நடப்பு தொடரின் புள்ளிபட்டியலில், நப்போலி அணி நான்காவது இடத்திலும் வெனிஸியா அணி 19ஆவது இடத்திலும் உள்ளன.