உலகக்கிண்ண இருபதுக்கு 20 கிரிக்கெட் தொடரின் முதலாம் சுற்று போட்டிகள் நேற்றுடன் நிறைவடைந்த நிலையில் சூப்பர் 12 சுற்றுப் போட்டிகள் இன்று ஆரம்பமாகின்றன.
அதற்கமைய சூப்பர் 12 சுற்றின் முதல் போட்டியில் தென்னாபிரிக்கா மற்றும் அவுஸ்ரேலிய அணிகள் இன்று பிற்பகல் மோதவுள்ளன.
அதேபோல இரண்டாவது போட்டியில் இங்கிலாந்து மற்றும் மேற்கிந்திய தீவுகள் அணிகள் மோதவுள்ளன.
இந்த சுற்றில் இலங்கை பங்கேற்கும் முதலாவது போட்டி நாளைய தினம் சார்ஜாவில் பங்களாதேஷ் அணிக்கு எதிராக நடைபெறவுள்ளது.
இந்த தொடரின் குழு ஒன்றில் இலங்கை, பங்களாதேஷ், இங்கிலாந்து, அவுஸ்ரேலியா, தென்னாபிரிக்கா மற்றும் மேற்கிந்திய தீவுகள் ஆகிய அணிகள் உள்ளடக்கப்பட்டுள்ளன.
அத்துடன் குழு 2 இல், இந்தியா, ஆப்கானிஸ்தான், ஸ்கொட்லாந்து, நமீபியா, நியூசிலாந்து, பாகிஸ்தான் ஆகிய அணிகள் இடம்பெற்றுள்ளன.
