இந்தியன் வெல்ஸ் மாஸ்டர்ஸ் டென்னிஸ் தொடரின், ஆண்களுக்கான ஒற்றையர் பிரிவு நான்காவது சுற்றுப் போட்டியில், ஸ்பெயினின் ரபேல் நடால் மற்றும் பல்கேரியாவின் கிரிகோர் டிமிட்ரோவ் ஆகியோர் வெற்றிபெற்று காலிறுதிக்கு முன்னேறியுள்ளனர்.
நான்காவது சுற்றுப் போட்டியொன்றில், ஸ்பெயினின் ரபேல் நடால், அமெரிக்காவின் ரெய்லீ ஒபெல்காவை எதிர்கொண்டார்.
பரபரப்பாக நடைபெற்ற இப்போட்டியில், இரண்டு செட்டுகளுமே டை பிரேக் வரை நகர்ந்தன. இதில் விட்டுக்கொடுக்காமல் சிறப்பாக விளையாடிய ரபேல் நடால், 7-3, 7-6 என்ற நேர் செட் கணக்குகளில் வெற்றிபெற்று காலிறுதிக்குள் நுழைந்தார்.
இதேபோல நடைபெற்ற நான்காவது சுற்றுப் போட்டியொன்றில், பல்கேரியாவின் கிரிகோர் டிமிட்ரோவ்வும் அமெரிக்காவின் ஜோன் இஸ்னரும் பலப்பரீட்சை நடத்தினர்.
விறுவிறுப்பாக நடைபெற்ற இப்போட்டியில், முதல் செட்டை 6-3 என கிரிகோர் டிமிட்ரோவ் எளிதாக கைப்பற்றினார்.
டை பிரேக் வரை நீண்ட இரண்டாவது செட்டிலும் சிறப்பாக விளையாடிய கிரிகோர் டிமிட்ரோவ், 7-6 என செட்டை வென்று காலிறுதிக்கு முன்னேறினார்.
