ஆண்டின் இறுதி கிராண்ட்ஸ்லாம் அந்தஸ்து பெற்ற அமெரிக்க பகிரங்க டென்னிஸ் தொடரின், முதல் சுற்றுப் போட்டிகள் தற்போது விறுவிறுப்பாக நடைபெற்று வருகின்றன.
இதன்படி, தற்போது நடைபெற்று முடிந்த ஆண்களுக்கான ஒற்றையர் பிரிவு முதல் சுற்றுப் போட்டியில், கிரேக்கத்தின் முன்னணி வீரரான ஸ்டெபீனோஸ் சிட்ஸிபாஸ், அதிர்ச்சி தோல்வியடைந்து தொடரிலிருந்து வெளியேறியுள்ளார்.
இப்போட்டியில், ஸ்டெபீனோஸ் சிட்ஸிபாஸ், கொலம்பியாவின் டேனியல் எலாஹி காலனை (Daniel Elahi Galán) எதிர்கொண்டார்.
இப்போட்டியில் யாரும் எதிர்பாராத வகையில் சிறப்பாக விளையாடிய டேனியல், 6-0, 6-1, 3-6, 7-5 என்ற செட் கணக்குகளில் வெற்றிபெற்று இரண்டாவது சுற்றுக்கு தகுதிபெற்றார்.
இதேபோல நடைபெற்ற பெண்களுக்கான ஒற்றையர் பிரிவு முதல் சுற்றுப் போட்டியில், அமெரிக்காவின் செரீனா வில்லியம்ஸ், மொன்டீகார்ரோவின் டான்கா கோவினிக்குடன் மோதினார்.
இந்த தொடருடன் ஓய்வுப் பெறும் முன்னணி வீராங்கனையான செரீனா வில்லியம்ஸ், இப்போட்டியில், 6-3, 6-3 என்ற நேர் செட் கணக்குகளில் வெற்றிபெற்று இரண்டாவது சுற்றுக்குள் நுழைந்தார்.
