நியூஸிலாந்து அணிக்கு எதிரான ஒருநாள் தொடரில் இருந்து இந்திய அணியின் முக்கிய வீரர் விலகல்!

நியூஸிலாந்து அணிக்கு எதிரான மூன்று போட்டிகள் கொண்ட ஒருநாள் தொடரில் இருந்து இந்தியக் கிரிக்கெட் அணியின் துடுப்பாட்ட வீரரான ஸ்ரேயாஸ் ஐயர் விலகியுள்ளார்.

28 வயதான ஸ்ரேயாஸ் ஐயர், முதுகு உபாதைக்கு உள்ளாகியுள்ளதாக இந்தியக் கிரிக்கெட் கட்டுப்பாட்டு சபை (பிசிசிஐ.) தெரிவித்துள்ளது.

மேலும், ஐயருக்குப் பதிலாக ரஜத் படிதார் அணிக்குள் உள்வாங்கப்பட்டுள்ளதாக பிசிசிஐ. குறிப்பிட்டுள்ளது.

மூன்று போட்டிகள் கொண்ட ஒருநாள் தொடர் மற்றும் ரி-20 தொடரில் விளையாடுவதற்காக நியூஸிலாந்து அணி, இந்தியா வருகின்றது. இத்தொடரின் முதல் ஒருநாள் போட்டி, எதிர்வரும் ஜனவரி 18ஆம் திகதி ஹைதராபாத்தில் ஆரம்பமாகவுள்ளது.