தெலுங்கு திரையுலகின் முன்னணி நடிகரான நானி, இயக்குனர் ஸ்ரீகாந்த் ஒடேலா இயக்கும் ‘தசரா’ படத்தில் நடித்துள்ளார்.
இப்படத்தில் கீர்த்தி சுரேஷ் கதாநாயகியாக நடிக்க, பிரகாஷ் ராஜ், சமுத்திரக்கனி, சாய் குமார், பூர்ணா மற்றும் ஜரீனா வஹாப் உள்ளிட்ட பலர் முக்கிய கதாப்பாத்திரத்தில் நடித்துள்ளனர்.
ஸ்ரீ லக்ஷ்மி வெங்கடேஸ்வரா கிரியேஷன்ஸ் சார்பில் சுதாகர் செருக்குரி தயாரித்துள்ள இப்படத்திற்கு சத்யன் சூரியன் ஒளிப்பதிவு செய்ய சந்தோஷ் நாரயணன் இசையமைத்துள்ளார்.
அண்மையில் இப்படத்தின் முதல் பாடல் வெளியாகி வைரலான நிலையில், இப்படத்தின் டீசர் குறித்த அறிவிப்பு வெளியாகியுள்ளது.
இதன்படி, இப்படத்தின் டீசர் எதிர்வரும் 30ஆம் திகதி வெளியாகவுள்ளதாக படக்குழு காணொளியொன்றை வெளியிட்டுள்ளது.
