இலங்கை கிரிக்கெட் நிறுவனத்தின் நிகர லாபம், கடந்த 2022ஆம் ஆண்டு சாதனை அளவை பதிவுசெய்துள்ளது.
இதன்படி, கடந்த 2022ஆம் ஆண்டு 6.3 பில்லியன் இலங்கை ரூபாய் வருமானம் ஈட்டப்பட்டுள்ளதாக, இலங்கை கிரிக்கெட் நிறுவனம் தெரிவித்துள்ளது.
இதுவே இலங்கை கிரிக்கெட் முழு வரலாற்றிலும் ஈட்டிய மிக உயர்ந்த வருடாந்திர நிகர வருமானம் என சுட்டிக்காட்டப்பட்டுள்ளது.
இது 2021ஆம் ஆண்டு ஈட்டப்பட்ட 2.1 பில்லியன் இலங்கை ரூபாய்யை விட 3 மடங்கு அதிகம் என தெரிவிக்கப்பட்டுள்ளது.
நிகர வருவாயில் சமீபத்திய வளர்ச்சி, முக்கியமாக சர்வதேச கிரிக்கெட், உள்நாட்டு கிரிக்கெட், அணுசரணையாளர்கள் ஒப்பந்தங்கள் மற்றும் ஐ.சி.சி.யின் வருடாந்திர உறுப்பினர் விநியோகம் ஆகிய நான்கு வருவாய் பிரிவுகளிலிருந்து உருவாக்கப்பட்டுள்ளது.
