சுகாதார அமைச்சர் கெஹலிய ரம்புக்வல்லவுக்கு எதிராக நம்பிக்கையில்லா தீர்மானத்திற்கு வலு சேர்க்கும் கையெழுத்து போராட்டம்இன்று முல்லைத்தீவில் முன்னெடுக்கப்பட்டது.
சுகாதார அமைச்சருக்கு எதிரான நம்பிக்கையில்லா தீர்மானத்திற்கு வலு சேர்க்கும் கையெழுத்துப் போராட்டமும் விழிப்புணர்வு நடவடிக்கையும் முல்லைத்தீவு, புதுக் குடியிருப்பு பிரதேசத்தில் இன்று முன்னெடுக்கப்பட்டது.
புதுக்குடியிருப்பு ஆதார வைத்தியசாலைக்கு முன்பாகவே இந்த நடவடிக்கை மேற்கொள்ளப்பட்டது.
நாட்டில் மருந்து தட்டுப்பாடு ஏற்பட வழி வகுத்த சுகாதார அமைச்சர் கெஹலிய ரம்புக்வெலவை மாற்றி மருந்து தட்டுப்பாட்டிற்கு தீர்வு காண வேண்டும் என சபாநாயகருக்கு வலுயுறுத்தும் வகையிலேயே இந்தப் போராட்டம் முன்னெடுக்கப்பட்டது.
இதன்போது, துண்டு பிரசுரங்களும் பொது மக்களுக்கு விநியோகிக்கப்பட்டது.
ஐக்கிய மக்கள் சக்தியின் முல்லைத்தீவு மாவட்ட இணைப்பாளர் முத்து குமாரசாமி லக்சயன் தலைமையில் இந்த கையெழுத்து போராட்டம் இடம்பெற்றது.
இதில், புது குடியிருப்பு பிரதேச சபையின் முன்னாள் பிரதேச சபை உறுப்பினர் சத்தியசுதர்சன், கட்சியின் ஆதரவாளர்கள் பொது மக்கள் என பலரும் கலந்து கொண்டிருந்தனர்.
சுகாதார அமைச்சருக்கு எதிராக கையெழுத்து போராட்டம்! pic.twitter.com/IfRuVu70D2
— Athavan News (@AthavanNews) August 21, 2023
