ஆசியக் கிண்ண கிரிக்கெட் தொடரின் சுப்பர்-04 சுற்றின் 5ஆவது லீக் போட்டியில் பாகிஸ்தான் அணி முதலில் துடுப்பெடுத்தாடுகிறது.
மிக முக்கிய போட்டியாக பார்க்கப்படும் இலங்கை மற்றும் பாகிஸ்தான் அணிகளுக்கிடையிலான இந்தப் போட்டி, கொழும்பு ஆர்.பிரேமதாஸ மைதானத்தில் நடைபெறுகின்றது.
இப்போட்டியில் நாணய சுழற்சியில் வெற்றிபெற்ற பாகிஸ்தான் அணி, முதலில் துடுப்பெடுத்தாட தீர்மானித்துள்ளது.
இலங்கை அணியை பொறுத்தவரை இரு மாற்றங்கள் மேற்கொள்ளப்பட்டுள்ளன. இதில் ஆரம்ப துடுப்பாட்ட வீரரான திமுத் கருணாரத்ன அணியிலிருந்து வெளியேற்றப்பட்டு குசல் ஜனித் பெரேரா அணிக்குள் உள்வாங்கப்பட்டுள்ளார்.
அதேபோல வேகப்பந்து வீச்சாளரான கசுன் ராஜித அணியிலிருந்து வெளியேறி பிரமோத் மதுஷான் அணியில் இணைந்துள்ளார்.
இதன்படி இன்னமும் சற்று நேரத்தில், பாகிஸ்தான் அணி துடுப்பெடுத்தாட களமிறங்கவுள்ளது.
