பிரபல யூ டியூபர் டிடிஎஃப் வாசன் மீண்டும் பொலிஸாரால் கைது செய்யப்பட்டுள்ளார். உயிருக்கு ஆபத்து ஏற்படுத்தும் வகையில் வாகனம் இயக்கியமை, கவனக்குறைவாகச் செயற்பட்டமை உள்ளிட்ட 5 பிரிவுகளின் கீழ் அவர் மீது வழக்குப்பதிவு செய்யப்பட்டுள்ளது.
அண்மையில் டிடி எஃப் வாசன் அம்பத்தூரில் உள்ள அவரது வீட்டில் இருந்து மகாராஷ்டிராவிற்கு மோட்டார் சைக்கிளில் சென்றுள்ளார். இதன்போது சென்னை- பெங்களூரு விதியில் வைத்து அவர் மோட்டார் சைக்கிள் சாகசத்தில் ஈடுபட முயற்சி செய்துள்ளார். அப்போது அவரது மோட்டார் சைக்கிள் கட்டுப்பாட்டை இழந்து, வீதியில் இருந்து விலகி பள்ளத்தில் விழுந்துள்ளது.
இவ்விபத்தில் படுகாயமடைந்த டிடிஎஃப் வாசன் வைத்திய சாலையில் அனுமதிக்கப்பட்டு சிகிச்சை பெற்றுவந்தார். இதற்கிடையே, அவருடைய மோட்டார் சைக்கிளையும் , வாகன உரிமப் பத்திரத்தையும் பொலிஸார் பறிமுதல் செய்தனர்.
இந்நிலையில் சிகிச்சைகளின் பின்னர் வீடுதிரும்பிய வாசனை இன்று பாலுசெட்டி சத்திரம் பொலிஸார் கைது செய்துள்ளனர்.
