2022 ஆம் ஆண்டு சம்பியன் பட்டம் வென்ற ஹோல்கர் ரூனை வீழ்த்தி, பாரீஸ் மாஸ்டர்ஸ் டென்னிஸ் தொடரின் அரையிறுதி போட்டிக்கு நோவக் ஜோகோவிச் தகுதி பெற்றுள்ளார்.
இன்று நடைபெற்ற போட்டியில் 7- 5 என முதல் செட்டை நோவக் ஜோகோவிச் கைப்பற்ற டை பிரேக் வரை நீடித்த இரண்டாவது செட்டை 7 – 6 என ஹோல்கர் ரூன் கைப்பற்றினார்.
இதனை அடுத்து வெற்றியை தீர்மானிக்கும் இறுதி செட்டில் 6- 4 என வீழ்த்தி நோவக் ஜோகோவிச் அரையிறுதி சுற்றுக்கு தகுதி பெற்றார்.
கடந்த ஆண்டு பாரிஸ் மாஸ்டர்ஸ் இறுதிப் போட்டியில் ஏற்பட்ட தோல்விக்குப் பழிவாங்கும் வகையில் நோவக் ஜோகோவிச் இப்போட்டியில் சிறப்பாக விளையாடியிருந்தார்.
இதனை தொடர்ந்து இடம்பெறவுள்ள அரையிறுதி போட்டியில் செர்பிய வீரரான நோவக் ஜோகோவிச், ரஷ்ய வீரரான ஆண்ட்ரே ரூப்லெவ்வை எதிர்கொள்ளவுள்ளார்.
