இலங்கை மற்றும் ஆப்கானிஸ்தான் அணிகளுக்கிடையிலான முதலாவது ஒருநாள் போட்டி, தற்போது ஆரம்பமாகியுள்ளது.
கண்டி- பல்லேகல மைதானத்தில் தற்போது ஆரம்பமாகியுள்ள இப்போட்டியில், நாணய சுழற்சியில் வெற்றிபெற்றுள்ள ஆப்கானிஸ்தான் அணி, முதலில் களத்தடுப்பை தீர்மானித்துள்ளது.
இதன்படி இன்னமும் சற்று நேரத்தில், இலங்கை அணி துடுப்பெடுத்தாட களமிறங்கவுள்ளது.
இரு அணிகளும் இறுதியாக 5 போட்டிகளில் நேருக்கு நேர் மோதியிருந்தன. இதில் இலங்கை அணி 3 போட்டிகளிலும் ஆப்கானிஸ்தான் 2 போட்டிகளிலும் வெற்றி பெற்றன.
எவ்வாறாயினும் ஆப்கானிஸ்தான் அணி ODI உலகக் கிண்ண தொடரில் சம்பியன் பட்டங்களை வென்ற 3 அணிகளை வீழ்த்தியிருந்தது. அதேநேரம் சம்பியன்ஸ் டிரோபிக்கும் தயாராகி வருகின்றது.
இதேநேரம் 2025 ஆம் ஆண்டு நடைபெறவுள்ள சம்பியன்ஸ் டிரோபிக்கு தகுதி பெற இலங்கை அணி தவறியதால், அடுத்த 3 வருடங்களுக்கு இலங்கை அணிக்கு பெரிய தொடர்கள் இல்லை என்பது குறிப்பிடத்தக்கது.
